周吉佩曾做新春节目主持NG逾70次有恐惧　冇时间同老婆庆祝情人节

周吉佩（吉吉）早前投资6位数字开设的音乐中心已经开幕，太太亦有帮忙打理音乐中心，昨日（9日）吉吉出席活动接受《香港01》访问被问到已经开启了副业的他会否封大利是给员工时，他则表示音乐中心员工暂时只有他和太太。

吉吉随即表示的确今年的利是会“大”一点：“今年因为见嘅人多咗，亦都有好多合作嘅单位，所以今年预备利是都多咗，我谂系比以往嘅3倍啦。”而新年期间吉吉亦忙于工作，由初一至初三都有演出，所以都是在工作中度过，而太太亦要忙于处理音乐中心事宜，直到年初四才有空去拜年：“咁今年约咗婉婉姐佢哋，好似以往咁去做团拜，所以就同班中音嘅朋友仔一齐团拜啦，另外自己都会拜年见吓屋企人啊亲戚啊。”

至于被问到情人节会怎样过，他就说：“情人节我都会教班嘅，要上堂啊，佢帮我编排咗，咁所以嚟紧我会抽少少时间买份礼物畀佢，我已经谂咗买咩畀佢。”

吉吉今次是第一次做大型节目的司仪，都不禁感到紧张：“因为以往有一个经历就系，曾经做新春节目NG咗好多次，70几次！跟住最后系cut咗我部分，变咗自己有呢个恐惧对于做MC。十几年后嘅今日，我又觉得唔洗咁担心啰，因为我依家觉得自己口齿好似清楚啲啦，同埋比例有信心咗啦，咁我相信自己应付到嘅。”吉吉就给自己70分，因为还有进步的空间，他亦希望会再有做MC的机会，可以继续学习，才会有进步。

至于会否想挑战做直播主持，他则觉得难度很高：“我希望有机会啦，因为我自己依家都好开放地想试吓，咩工作都想试，不过我谂我会live嘅话我会事前练习多啲。”而演员方面，他说因为自己还未接触过，如果真的有机会会先找老师训练一下。