专访｜梁钊峰激罕谈爱情提曾高调认爱　冇后悔：唔知道个结局系点

C AllStar成员梁钊峰近年积极单飞发展，最近推出第三张个人EP《遗憾与遗憾之间的一切》。钊峰日前接受受《香港01》 专访宣传新专辑期间，开腔回应当年高调公开恋情，一个月却分手收场，他直言：“如果你公开一段感情，你都会觉得同佢会有更长会行，包括组织家庭结婚，如果唔系咁唔会做呢啲嘢。”

自爆遗憾跑山赛跟错队兜多咗10K

讲到相隔四年再推出全新专辑《遗憾与遗憾之间的一切》，他说：“因为跨越咗两个single 《火烧心》同《至少还有你取暖》，跟住就探索紧揾紧题材，同埋出碟系一个好奢侈嘅事，有得出碟已经好开心。”他继续指作为前线，就是努力做好同唱好。

提到新专辑主题围绕遗憾，被问到自己最遗憾的一件事，他说：“其实近排都有一个机会达成到一个遗憾，我近排去咗泰国参加山赛，𠮶日嘅状态都好fit嘅，其实都几快嘅去到两个分站，我就跑咗15K嘅山赛，点知跟咗人哋25K嘅尾巴，跟住就行错咗路兜多咗10K，成绩就未如理想，兼且同一啲好慢嘅人返嚟。如果睇唔透就系好大嘅遗憾，仲要𠮶日咁fit难得去泰国，原本有机会喺个组别度冲奖，不过唔紧要啦！”

无悔当年高调公开恋情

谈及新专辑围绕爱情，是否现实的写照，他表示：“唔多唔少都会放咗自己嘅感情落去，当然故事一定不一样，第一个故事讲拍咗好耐拖到最后不能成婚，另外一首歌系讲紧青春嘅遗憾，我有青春嘅，不过远咗少少啫！”讲述到录制歌曲《遗憾与遗憾的一切》感动流泪一事，他说：“我被当刻所感动，同时间我非常感恩，有呢一个旋律同歌词。”至于录音感动落泪的画面，他表示：“我嘅一啲成长片段，好似结婚嘅成长片段，唔系结婚系我自己嘅成长片段，因为有好多提示俾我去导入，纪念好唔好都要照单全收，都系你嘅人生，细细个又有，同父母嘅相处，仲有拍拖嘅经历。”

提到早年曾经在社交网公开恋情，晒出女友背影合照，不料一个月后便分手收场，是否会后悔爱得高调，他坦言：“唔后悔，因为我觉得我点都会咁样做，再拣多次喺当时当刻，点都会咁样去处理，而我都唔知道个结局系点，唔会后悔啰！”谈到有网民指当初选择公开恋情是步入谈婚论嫁等言论，他笑说：“都讲得几好，如果你公开一段感情，你都会觉得同佢会有更长会行，包括组织家庭结婚，如果唔系咁唔会做呢啲嘢。”

单飞发展辛酸史

被问到从组合C AllStar到现在单飞发展所面对最大的困难，他说：“做访问冇得抖，其他都还可以。”讲到在颁奖典礼上角逐奖项的心态上不同之处，他说：“过往可能我哋上过颁奖台，现在我哋特别珍惜，原来solo嘅路唔系一片平坦，咁你每一个奖项，譬如陈健安上台攞奖，佢都特别感触，感咩触佢都上惯台，但系感触到好有共鸣，就系因为一切都唔容易，条路都难㗎！大家一齐面对，一条船而家系自己掌舵系有啲唔同，比较一定有特别珍惜。”

回应唔想唱《天梯》传闻

谈及有关公司资源分配的问题，他说：“喺唔同嘅公司度，都有所谓嘅工唔公平，我觉得即使有好多资源都要去把握，如果冇资源，点样喺冇资源之中突出自己。”他继续指当初C AllStar都没有资源，并表示：“喺条街唱到有人识，到有资源可以做有资源做嘅嘢。”至于外间有传不希望再演唱《天梯》，他说：“我唔会啰。唔想唱《天梯》讲吓啫！我觉得好多歌手都会逃离唔到呢个关口，一首歌唱到好腻好闷，对于我嚟讲好客观呢一首系好歌，而家我嘅经历呢首歌会有更加多嘅生命力。”

credit：

头：Zanki Ng @ BHC

妆：Karen Ma

服：Harvey Nichols, iiJin

场地提供：Momento hk@momentohk