麦玲玲爆安德尊系新界地王“仲用紧面个浸”　 揭财神专业户辛酸

堪舆学家麦玲玲带领黄紫恩（Jojo）、蔡景行（行仔）主持的清谈节目《玲玲友情报》，昨晚（7日）一集主题为“利是唔系咁样𢭃”，嘉宾是人称“大王”的安德尊。

“大王”安德尊，每逢农历新年，他都会以财神身份亮相，自言扮财神时间，比另一位财神专业户“修哥”胡枫还要耐︰“入行第二年就做财神，做了差唔多30年，其实辛苦你唔知。”他透露问题出在那顶帽，由竹枝或木条撑起，长时间戴会弄致头痛，他跟行仔说︰“后生仔做会顶唔顺，拍嘢6到10个钟，你话顶唔顶得住，箍到头痛。不过都有好处，𠮶时啱啱出道无人识，但着住财神衫好受欢迎，啲人走埋嚟摸你，𠮶种感觉好得意。”安德尊自爆有一个多年习惯，就是收到有福气、名气长辈畀的利是，都会储起来，他笑说︰“储到而家摆喺成日见到地方，系一种纪念。”

玲玲师傅从玄学上分析，𢭃到有财福人仕的利是，可以沾到对方的好运，她解释说︰“呢个系一个运气传递，点解啲人咁钟意收家燕姐、阿Bob、你同我嘅利是，就系咁原因。大家觉呢班人运气唔错，可以沾到对方好运。”玲玲师傅讲笑话最好当然是𢭃到四大发展商的利是，福泽更佳。她又取笑以安德尊身家，自然可以储起这些利是不用，接住她爆料说︰“江湖传闻大王好有钱，新界眼望啲地都系你嘅，你使紧面个浸啫。啲后生（指住Jojo同行仔）唔够钱用就要拆，有头发边个想做癞痢。”

此外，玲玲师傅拆解初一不洗头的谬误，是缘于古时男女都留长头发及科技不发达，她解释︰“睇书研究过以前啲人好少洗头，因为洗完头冇得干，无理由新正头披头散发鬼咁见人，而家唔同有风筒，可以好快吹干。”她又揭露每到新年就知道TVB有好多员工，又试过第一年派利是给记者后，第二日便收到银行打电话来道谢︰“因为有记者影咗我派个封利是登咗报，银行咪知啰。”