【赌城群英会】王晶冇新意又系靠水著女　焦点高海宁：最尽尺度

差一步成为仓底剧《赌城群英会》今晚就正式出街，这几天都有不少片花曝光，其中有一幕就是高Ling继《不懂撒娇的女人》之后，再一出上演出水芙蓉的画面，相当吸睛。高Ling就话为拍这场戏，足足减了3个肥，一日3餐都吃烚菜烚鸡肉，她说这个身型就是她人生颠峰：“系我最fit嘅时候！”如此一说，更加值得睇。高Ling透露之后仲会著女仆衫，似乎是焦点所在。不过高Ling就话这个尺度已是最尽，将来都不介意拍类似场面：“唔系特登就得喇！”

之但系咁，高Ling笑言不止她一人要落水，叻哥同陈法蓉都会出水。不过，就算有几多人要出水，就咁睇片花就会有两种感觉。一系“一睇就系王晶出品喇。”，一系就“乜好似咁熟口面咁嘅”；冇错！情节、桥段同用人都与王晶之前作品差不多，就好似《赌城风云》系列咁，不外乎水上派对、雀局，以及劲多大电视监测。除咗将赌场斗争再化大，会杀人填命、下场比较悲惨之外，就咁睇都可能以为自己煲紧碟，睇返几年嘅旧戏。又或者见到四哥，都会觉得《千王之王》由民初走返嚟21世纪嘅。

另外，片花仲见到文凯玲同何浩文，虽然今次两人没有感情线，对手戏都较少，文凯玲都戴返副眼镜做斯文乖乖女，不过都见到何浩文赤裸上身喺舞池跳舞......其实系咪睇紧《鸭王》番外篇？《鸭王》crossover《赌城风云》都系第一次！