乔宝宝自认抛宝碟高手　布伟杰呻孤单过节：以前几个鬼佬会聚吓

农历新年在即，香港人当然积极准备过年，不过乔宝宝与布伟杰这两个“香港人”都唔执输，趁宝宝返苏格兰过农历前提早去参加香港许愿节2024，到访林村许愿树祈福、拍摄宣传片。

日前乔宝宝与布伟杰为香港许愿节2024拍摄宣传片，除咗介绍活动亮点之外，两人仲大玩“食字GAG”，场面十分搞笑。去得林村当然要抛宝牒祈福，宝宝就话自己系抛宝碟嘅高手：“其实我以前成日去林村许愿树、其他寺庙参观嘅，我唔系迷信，而系想了解文化，就要投入落去，所以我好早已经系高手，知道点发力先抛得高。今次拍片要讲好多‘广东话’Gag，难唔到我地喇，我地系香港人嚟㗎！”

而布伟杰亦大呻孤单过节：“以前我地几个‘鬼佬’过年都会约埋聚吓、见面，不过今年宝宝返咗苏格兰同家人团聚，得翻我自己一个，如果新年冇工开就会好闷，所以今年准备会去许愿节玩下，应吓节凑吓热闹、攞个好‘意头’！”