麦明诗向盛劲为“求婚”片段曝光 女方送呢样嘢回礼

早前传出麦明诗秘嫁盛劲为，今晚（30日）男方刚刚IG发放片段，但竟然是麦明诗向盛劲为求婚片，认真特别，而盛劲为在帖文写下长文向女友表达心意。
他说：“以前嘅我，以为自己会单身一世。一个人无拘无束几咁好，但一个疫情，令到以为揸住铁饭碗嘅我突然失业，原来我并非想像中咁硬净。𠮶时我哋唔系好熟，但系你听到我嘅情况，就问：“既然呢排得闲，想唔想去电视台做吓 part-time 啊？当见识吓、识吓女仔啰。”

“听到有得识女仔，梗系正啦！就系咁，你介绍咗我上去后生仔倾吓偈，再玩冲上云霄大选，又参与咗一部剧做喱啡，见到好多靓女，但最后.我都净系识咗一个女仔，仲要本身已经识佢”
“由一开始大家都冇谂过会有咩发展，但系就愈倾愈投契，而且觉得好mind-blowing，因为我从未遇过一个靓得黎冇脾气、努力、会替人设想嘅女仔，仲要 ？2..•（下删一万字）同你一齐，冇一刻系浪费时间，我哋每日好似best friend咁一齐玩，一齐游水打波滑雪上山下海，将“情人”同“朋友”呢两个身份完美结合。我真系好好彩先可以遇到你。”

“之后我讲笑话，如果我地结婚，你都要同我求婚先衬得起你性格㖞。我真系冇谂过你会记得我呢句说话，然后坚做⋯.好嘢 你喺我最需要人support嘅时候出现，我呢世都会记得。我肯定将来我地会面对好多困难，但只要我哋一齐面对，一定可以挨得过”拍拖初期有一幕我到今日都好深刻，你话：“你未resume番，食饭等我请啦，嗱，你一飞返就以后都系你请我食饭㗎啦。”我希望可以请你食饭食一世啦

盛劲为发放的片段像是麦明诗向盛劲为求婚，但随后麦明诗亦发文，原来早前盛劲为在悉尼一个沙滩已向麦明诗求婚，一向幽默的盛劲为送上超巨型“钻戒”求婚，令麦明诗感动又笑得开心。
而麦明诗向盛劲为求婚，是覆行当天曾经许下的诺言，盛劲为没想过麦明诗会记得，所以见到女方“求婚”相当惊喜，而麦明诗向盛劲为求婚礼物是一只AP 爱彼表。