鬼故｜欧锦棠爆导演撞鬼经历　拍坟场戏做错一样嘢出事极凶险

欧锦棠在个人YouTube频道“乜乜棠水舖 The Stephen Au Show”讲鬼故，大爆两大导演撞鬼经历。话说，欧锦棠自小时候曾经有阴阳眼，他表示，虽然已习以为常但仍然为他带来不方使。片中他表示自近年信主后就已再看不到“好兄弟”。

“唔该借借！”相信大家都曾在电影中听过，尤其是当一个男人在荒郊野外，想在草丛时“方便”时，都一定讲出这一句“唔该借借！”。欧锦棠在新一条YouTube中说：“同边个借借？因为你当𠮶啲地方有所谓孤魂野鬼。成日都话：‘你唔知人哋喺唔喺度，你咁啱整到人哋，咁就得罪人。’”他解释说，这个行为也是基于尊重，他说：“就算系野生动物或者昆虫，你见到都冇理由兜头兜面尿落去。唔应该系咁。特别系呢行，好多前辈好衷心忠告我哋：‘去到山头一定要小心，尤其是愈唔不吉利𠮶样愈做。’”

欧锦棠续说，行内经常去郊外有很多“金塔”的地方取景拍摄。他说：“我试过最大吉利嘅系，有一套戏《魔警》，场景成日都系棺材舖、殡仪馆、坟场呢啲地方，仲要半夜去拍。𠮶时我已经信咗主，工作人员畀咗符我，我同智叔都话，我哋有信仰唔使呢啲。张符佢哋叫‘百解’，拍完套戏要袋住返屋企，返去之前烧咗佢就得啦。我哋真系唔信，由头到尾亦冇事发生。”

他续说，有关圈中两大导演的撞鬼经历。他说：“有一次呢位导演去和合石，其中有一位灯光师傅佢有阴阳眼，通行都知。佢就问：‘阿乜师傅，多唔多嘢呀？’其实唔使问啦，你喺边度拍呀？𠮶度叫和合石呀嘛！跟住个师傅就话：‘多呀。’导演：‘边度呀？’灯光师傅：‘喺度睇紧戏呀。’”

导演其后再问灯光师傅“好兄弟”的位置，就很“百厌”地用一支射灯射向那个位置说：“系咪呢度？”灯光师傅就马上问：“做咩呀？”原来那些“好兄弟”马上四散，但除了灯光师傅之外，现场其他都感觉不到也看不到。

事件就这样完结？原来还有后续！欧锦棠：“返去之后，佢除咗觉得有啲唔系几自然，其他唔觉得有咩问题，但系佢屋企人开始有事，首先系系细路仔，无端端病，发烧，然后就到大人，佢都觉得唔妥，睇医生都退唔到烧。”

并后这位导演在电视台遇到同事，可能是“法科”的，这位电视台同事见到导演后就问：“喂，你做咩嚟？”导演：“冇嘢呀。”同事：“你气息好差㖞，好似有嘢跟住你㖞。”就是这样，这位导演就知道发生了什么，再之后就找了师傅，证实了“有嘢跟住”。欧锦棠说：“点解冇加害于佢，可能系因为个导演本身阳气好重，所以搞唔到佢，搞唔到佢就搞佢身边嘅人。”欧锦棠表示，据说最后还十分凶险，要办一场法事，最后就解决了。

欧锦棠：“呢两个导演都系猛人，不约而同都系猛人，点样猛法？第一脾气好火爆，好钟意骂人，第二佢哋拍嘅嘢形象好凌厉，两位亦都拍过电影，亦都有电视，另一位导演仲系有武术根底。”