黄建东大赞王青霞画作像真度高：如果有一幅就好

黄建东今日（26/1）现身将军澳电视城出席《慈善星辉仁济夜》项目排练。黄建东透露今次第一次为仁济担任司仪，份外兴奋：“其实做司仪都做咗2年嘅时间，自己都好想令够喺新嘅一年中，想自己主持一个属于自己嘅节目，呢个系我嘅心愿。过往我畀人印象系一个搞笑嘅形象，变咗我想做一个感性嘅真人骚，想畀另一面大家睇到。（有冇同曾志伟提出？）其实我都准备去倾吓，将我嘅谂法讲畀佢听，睇吓成唔成事。”

对于李龙基受未婚妻Chris是非缠身，黄建东表示都有留意相关新闻：“我之前上节目嘅时候，系有同基哥合唱过歌曲。而阿Chris我喺活动上系见过面，但就唔识，都只系打过招呼。（Chris啲画作靓唔靓？）啲画系靓嘅，同埋个像真度好高。（想唔想佢送画畀你？）佢啲画好靓，如果有一幅就好。”