郭柏妍出po帮洪嘉豪新歌宣传 惨被网民追击留阴影：唔敢讲太多

郭柏妍（Rosita）今日（26/1）现身将军澳电视城出席《慈善星辉仁济夜》项目排练。提到早前日日在IG story为歌手洪嘉豪宣传新歌，引起网民关注，有网民质疑二人正在拍拖。Rosita接受《香港01》访问时否认拍拖：“我而家单身，同工作拍拖。而我本身系唔认识佢，只系钟意听佢啲歌，同埋我明白到做唱作人一啲都唔容易，过程系好辛苦，又会怕啲歌冇人听，变咗我先帮佢喺限时动态度帮佢宣传吓。但事后好似搞到佢，要佢为我哋之间嘅关系澄清，我觉得真系唔好意思。”

Rosita续说：“其实呢件事之后，我系好怕影响到洪嘉豪，因为本身佢系想宣传佢嘅演唱会，但到头来就要帮我回应，搞到我好似喧宾夺主咁，所以我就觉得好唔好意思。（洪嘉豪靓唔靓仔？）我已经唔系话一定要唔要靓仔⋯（唔系讲择偶条件！）哈哈，其实我对于靓唔靓仔已经冇一个概念。（佢啲歌好唔好听？）ok啦。（只系Ok？）我唔敢讲太多，因为我惊畀人追击我。”