颜国梁癌症复发昏迷留院半个月　逃出鬼门关：变化好大，都几坎坷

现年74岁颜国梁于《香港81》中饰演“陈积”而为人熟悉，阔别幕前十多年后，前年自揭患上鳞状细胞癌，最近接受好友邓英敏访问时，透露透露原来本月6日入院，足足留医半个月，更走过鬼门关前。

颜国梁接受邓英敏YouTube频道“老友鬼鬼”访问时，提到之前因接受化疗而脱发目前已长回一头白发，但面容略带憔悴，原来访问前两日颜国梁才刚出院，并指：“呢一年变化好大，都几坎坷。”

他坦言由去年至今已经“出入鬼门关几次”：“有一次去浸会医院留医，医生同我讲‘谂住你出唔到去’，先知原来好严重。”他表示曾因几次呼吸困难而入院：“几次唞唔到气，因为鳞状癌影响我呼吸，医生话要装个支架协助呼吸，唔做（手术）就唞唔到气，做又有机会死。好彩手术后我唔使瞓ICU，喺加护病房，姑娘都话好危险，只要3分钟内救唔到就会死。”

每当发现自己身体不适，颜国梁便会报警叫救护车，本月6日他感到呼吸困难，幸好及时送往北区医院才保命：“起初感觉喉咙少少痕，我就细细力慢慢咳，忽然间就锁住（喉咙），一吸唔到氧气就会窒息，好彩我随身有支‘吱吱’（哮喘药喷剂），即刻吸，再叫十字车，一路吸住氧气入院，送到院已经昏迷。后来先知我昏迷咗几日，如果我反应慢啲，冇咗喇。”

颜国梁表示留院头数天陷入昏迷状态，原来是因为吸入过多氧气，令自己出现幻觉：“幻觉好逼真，系两个大妈闹我好曳，又捉住我又搣我，成日周身郁。我差啲郁手，好彩控制到，事后太太话我知可能啲仪器搞到我唔舒服，想抆喉抆面罩。”由于留院期间不可进食，颜国梁笑言未试过咁恨食嘢，庆幸自己有太极底子，所以复元得快：“有几次都差啲走咗，可能上天仲有任务叫我做。”

提到病情，颜国梁透露癌症复发：“第一次嘅鳞状细胞癌消失咗，但喺另一个地方复发，仲有啲细细粒嘅走出嚟，所以要做电疗，怎知中途又有细菌（感染），最少打7日抗生素，每日打3支，即系冇得瞓。出院覆诊转头又入院，医生都话冇计，系我抵抗力唔够。开头我仲以为自己卫生程度唔够，摸完狗狗、掂完银纸都洗手，一日都唔知洗几多次手。”他坦言今次跨过鬼门关后十分感谢观众的支持，他有精神便会跟邓英敏一起做节目。