黄嘉乐离巢无线获高人替接洽工作杀入电影圈：不论条件价钱都倾到

黄嘉乐前年11月突然于社交网宣布与TVB结束21年宾主关系，回复自由身，全面为自己事业打拼倾合作。今日（25/1）黄嘉乐现身将军澳电视城出席无线剧集《本尊就位》宣传活动。

嘉乐接受《香港01》访问时表示：“其实我离开咗无线都有年几时间，今次系我走咗之后第一次返嚟帮自己有份演出嘅剧集做宣传，做返我做演员嘅责任。（回复自由身，倾合作凡事都要亲力亲为？）我就比较好彩，而家有个专业嘅人帮我接嘢做。其实喺我离开咗无线之后，我一路都有拍嘢，咁啱拍𠮶啲嘢全部都要签保密协议，变咗我系冇喺社交平台度Po自己拍紧啲乜嘢。（会唔会多咗应酬食饭？）系会多咗，呢个喺我呢一年最大嘅改善，而以前自己好少讲嘢，而家会健谈咗少少，同埋而家我系好享受呢个生活，因为离开咗，令我接触多咗电影嘅工作，加上又拍大型啲嘅电视剧，我觉得嘅经验系几好，令到我几喜悦。”

被问到回复自由身，倾合作价钱相对顺利？嘉乐续说：“其实同我接嘢做嘅人，佢真系好专业，佢系会比较容易倾到工作，不论条件同价钱方面都比较容易倾得好啲。（平时少Po相分享日常，怕唔怕影响曝光率？）咁我又唔系太过担心，我都有po其他嘢，但相对其他人我Po嘢系比较低调嘅。（太太有冇话你过分低调？）其实佢间唔中都会讲吓，但佢本身系摄影师，变咗佢对照片嘅要求好高，试过我影完啲相，佢会话唔靓，仲叫我下次唔好咁影。变咗我传次要影相，都要精雕细琢。（使唔使经佢审批？）系要经佢审批，哈哈！”