李龙基未婚妻Chris是非缠身　麦玲玲教路：靠口揾食保持低调好啲

香港著名堪舆学家麦玲玲师傅今日（23/1）现身将军澳出席新春布置揭幕礼。提及李龙基连日来受未婚妻Chris的负面新闻影响，精神备受困扰，麦玲玲师傅在接受《香港01》访问时表示：“其实本身我成日都会见到基哥同佢未婚妻阿Chris ，佢哋两个都系好热情，希望佢嘅事情快啲过啦。同埋嚟近龙年，有个‘五黄’灾星对宫，无论我哋揾食讲嘢嘅，唱歌嘅，做DJ嘅，都会多少是非麻烦嘢多。”

玲玲姐续说：“尤其系年尾搭住年头嘅时候，保持低调之后，就会慢慢过到去一个好啲嘅情况。我就觉得佢哋两个可以出去玩吓，借吓地运，避开吓呢段时间，我谂会比较好啲。尤其以口揾食嘅朋友，就保持低调就会好啲。而真正系娱乐圈犯太岁嘅生肖嘅有龙、狗、牛、兔仔。其实娱乐圈最唔怕犯太岁，尤其相冲嘅狗，相对机会系多啲嘅，又或者结婚冲喜吓。（Chris唔系娱乐圈！）其实佢都算系一半娱乐圈人。”