AGA江海迦生日愿望以工作为先　仍未有计划举行婚礼

江海迦（AGA）今日（21 日）36岁牛一，下午她现身《AGATHA EXHIBITION》，展览除有江爸爸送俾AGA人生第一支咪高峰外，其中一幅墙由AGA限量版新专辑堆砌而成，专辑会喺展览结束后，再交到早前预购成功嘅Fans手上。

AGA接受访问时，指今次展览会有唔少Demo首次曝光，又提到爸爸一直对自己十分严格，试过让她练琴练足一整天，但同时让她对音乐十分认识。提到专辑早前预购时，在55分钟火速售罄，问到是否最好的生日礼物，AGA表示：“我觉得300只碟喺展览铺晒出嚟，系好特别嘅生日礼物，我每年都唔系好大搞Party嘅人，今日好感动，见到多朋友。完咗展览后会同Fans食饭，因为好似一直无同佢哋庆祝。”

AGA表示昨晚已经同未婚夫庆祝，但问到对方送咗咩礼物时，佢以怕丑为由拒绝透露。至于生日愿望，AGA话系想开Tour以及推出多一张专辑，而人生大事--婚礼，AGA话表示仍未有计划，今年内都应该唔会发生。