陈荣峻夫妇力撑李龙基未婚妻：话佢攞李龙基啲财产，全部都系假

陈荣峻和太太吴香伦今日（19/1）现身将军澳电视城出席无线处境喜剧《爱·回家之开心速递》宣传活动。对于好友李龙基的未婚妻王青霞（Chris）被质疑学历造假，同时被爆曾美国征婚借钱后失踪，事件引起全城哗然。

陈荣峻接受《香港01》访问时表示：“我哋睇到呢啲新闻，一笑置之，因为一早知道系假（指新闻）画系真画，而啲花边新闻系假嘅，例如话攞佢啲财产，全部都系假。（因为李龙基未过啲楼畀佢？）呢个唔知，绝对唔系话坊间传想佢死，同埋霸占佢啲身家。而据我所知，基哥嘅大女同基哥未婚妻都一齐食饭，相处得好融洽。

提到有网民发现Chris曾在社交网出示学历学历及大学学费单错漏百出，直指造假。陈荣峻表示：“作为朋友绝对相信对方。（有冇慰问李龙基？）我哋成日都见面。”而身边太太吴香伦表示：“啲人钟意乱咁讲，乱咁写，佢哋都系一笑置之，大家都唔会觉得系咩一件事，因为我哋知道佢哋两夫妇感情非常之好。”

陈荣峻和吴香伦结婚3周年获王青霞赠送画像作贺礼。（陈顺祯摄）