李龙基未婚妻CHRIS晒还钱记录　自爆大手买卖私人飞机证财力雄厚

李龙基未婚妻王青霞（Chris Wong）近日是非一单接一单，继学历家底被质疑后，又传出她曾在2018年于美国征婚，兼向人借钱不还失踪。她独家向《香港01》披露还钱证明，指绝不介意公开银行纪录，更爆出曾以私人名义买卖飞机﹗

李龙基未婚妻CHRIS被爆借钱后失踪　亲晒证据回应早已还清

问到Chris会否介意公开银行纪录，她表示绝不介意：“我真系唔介意，因为银行嘅流水（记录）我改变唔到嘅，专登去揾俾你睇。当年我系还咗钱个记录一定keep，因为当时要同公司要对番啲账，所以佢以为我唔见咗个记录就错啦。当其时我唔系争好多钱，你见到喺我呢一边转帐出去嘅系17万美金咁样转，因为当其时我要买一架湾流飞机（私人飞机），但以公司名义去买的话交嘅税项会好高，个人购置税项较低，所以我就用咗自己私人名义去买架飞机，你可以睇到我里有17万美金就系买卖飞机嘅数。”

Chris又回忆借钱原因：“当年我借钱系因为当其时贸易战，喺国内过嚟嘅钱未到账，隔咗一段时间先到账，过程当中我都依然因为公司要周转，到最后我还番嘅俾佢嘅时候，因为公司已经充裕番啦，还咗钱俾佢之余自己仲要买咗架湾流飞机（私人飞机），记录两次俾咗17万美金，咁两笔㖞两笔嘅17万美金，咁你觉得即系我买一架飞机咁多钱，你𠮶3万蚊美金会唔会唔还俾你？”

对于当年影片被公开，Chris相当愤怒：“如果冇心还钱，我亦都唔会录一个咁嘅视频，个视频亦都保护咗对方，一个即系借钱俾我嘅时候要我还钱嘅𠮶个account，系因为我实实在在要还番俾佢，咁，即系佢而家再攞番一个佢冇删嘅视频，仲要喺呢个时间先拎嚟声讨我，我觉得佢蹭热度啰，呢种行为真系好可耻啊。”