好友黎淑贤自杀离世 黎燕珊感悲痛：似个大重锤揼落我个心度

黎燕珊今晚（13/1）现身西九龙戏曲中心欣赏粤剧新《梁祝》。对于早前好友黎淑贤烧炭自杀身亡，黎燕珊大感痛心：“其实当时我收到消息话佢走咗，感觉就好似一个大嘅重锤揼落我个心度。我真系好伤心，因为自己都系过来人，都系单亲妈妈。同埋我系一早察觉到佢系有啲心事，但奈何我自己又真系好忙。”

黎燕珊说：“首先我又唔知道佢（黎淑贤）有呢个病咁多年，因为我哋从来都真系好少讲私人事，咁始终都系敏感话题，我哋尊重朋友嘅关系，如果对方会讲，咁我哋咪会去一齐互动去倾，但佢冇讲我就唔会问。”