麦浚龙专访｜将电影剧本变演唱会蓝本　Juno下部新作做黑道人物

继去完西九音乐节、与周国贤开骚后，Juno（麦浚龙）下月将举行只此一场的《金榜题名 project_mayhem • an urban fantasy by juno mak》 。Juno说演唱会的主题与内客来自他手上的一个剧本，他在当中是一名叫细凤的黑道人物，而廿四味、 MATTFORCE、Novel Fergus等人将会以其他角色演出，所以今次既是演唱会又是电影的导读，由于已有剧本在手，Juno有信心成品不日上映。

有谂过会变禁歌

访问当日，《金榜提名》被定为不能在电台播放，Juno说早在构思歌曲时已谂过会否出现此情况，但衡量过后认为并非大问题。“做呢个主题曲内容方向必须要先讲到件事，可能内容同流行曲式有啲唔同，做嘅时候有意识系咪可以到商业媒介接轨，佢有粗口但唔系大量，因为唔系多就讲到件事 ，被禁可能系因为词汇戾气比较重，我明白嘅，商业平台有自己取舍。” Juno说时态度从容，问他入行多年，遇上不如意或负面新闻时，会如果消化情绪，他说：“ 我又唔系睇得咁重，以前⋯⋯我都几易平复到，无因为咁而发脾气 ，因为清楚知道自己做咩。”

对红馆有野心

今次音乐会依旧选址亚博，Juno解释度歌单时，曲目多达80首，而部分作品他认为比较适合在今次舞台演绎。但对于红馆，Juno不是没有想法。“如果我一直做歌手，可能发生嘅嘢又唔同，入行第10年我去咗拍《僵尸》，当时都系因为遇到樽颈位，于是就有《罗生门》再酝酿《风林火山》然后《The Album》，做完《The Album》因为唔想重复⋯⋯其实《The Album》模式我系可以换一个题材就可以不停地做，今次爱情、下次惊栗，我唔想咁。有啲嘢要系要酝酿，而呢3年同唔同歌手合作， 好多嘢加加埋埋就变成《金榜提名》 。”

唔想迫自己拍《疆》续集

入行22年，Juno认为自己无论在歌或电影方面未曾留有一点遗憾，因为自己每次都去到尽。“专辑或剧本都乐，只要讲晒想讲嘅嘢，就无任何遗憾。譬如拍完《疆》之后，好多投资者揾我问有无延续，当时我都系话过10年再揾我，因为当时想讲嘅，已经喺《疆》讲晒，我亦希望每一次都系咁，当然每次睇返一定会觉得可以再好，但作品同时记录当时嘅我，我就觉得好clean。” 以Juno的身价，确系可以做到有钱唔赚，但他解释其实不是没有考虑过迫啲嘢出嚟满足市场/投资者要求。“做一首歌、拍一套戏，每一件事都累积一个金币，今次做得好可以发展下一样嘢 ，所以一切得来不易时，我唔会因多投资者而去拍晒一至十集，总会有干嘅时候，唔使将自己摆喺呢个位嘅，想涉猎嘅层面仲有好多（笑）。”

化妆: Janice Tao

场地：No. 5 Studio HK