糖兄地狱减肥两星期瘦5磅　自嘲唔系主角级：瘦咗都唔系靓仔啦！

糖兄(潘云峰)一向给人被消失的感觉，但他不知几实在，最近在IG上载自己做gym片段，糖兄为了健康及十月一个活动，他接受《香港01》访问，表示已经跟了教练操了两星期，他说:“因为爸爸最近身体有啲事啦，咁而家都无事，但令觉得健康好紧要，同埋我10月有个活动，咁都想有个新形象俾大家啰，跟教练操咗两星期喇，做咗4次trainning，每次1个钟，但系不停做冇休息，教练就唔系好魔鬼，不过第一次做完，我晕咗半个钟，因为体力消耗太劲，教练话我肌力唔系好够，我𠮶次做完要坐低，饮杯水,再食粒糖。”操到晕低，但糖兄还说不是魔鬼教练，认真风趣。

糖兄现在170磅，除了搏命操肌，亦食得小心，但不需要过份节食，他说:“开始咗两星期其实都轻咗4、5磅，但个人就精神咗，早餐食两块多士，以前就饮奶茶，而家饮斋啡啰，以前食公仔面㗎，午餐都照食茶餐厅，不过就唔好食太多汁，叉烧饭就瘦叉，夜晚就我老婆整啲蒜香意粉啰，清清地又几饱肚嘅。我太太食嘢好健康，(网友经常话你blur咗?减肥想企返前啲?)唔关事嘅，其实不嬲都有拍下片嘅，我呢次想健康啲，自己想好睇啲。”

提到练大只，一定想到张继聪，连糖兄都大赞对方身型好靓，他说:“练到阿聪咁靓就梗系想啦，但我又唔驶咁大只，瘦少少著衫好睇啲就得，讲真,我瘦咗都唔会系靓仔啦,你估我真系张继聪咩?哈哈，(瘦咗会唔会影写真?) 我唔系阿聪、周国贤，佢哋就话影靓相啫，我影，真系无谓嘥人电同memory喇，哈哈。”其实糖兄讲嘢几好笑㗎。