张建声指父女恋唔系人人都得　《向西2》激战连场一早向女友备案

张建声早前公开认爱曾嘉晴（Angel），由于男方比女方年长16岁，故不少网友指是“父女恋”。张建声今日（7日）出席电影《源生罪》首映，提起女友时犹如情窦初开一样。“点解会拣而家先公开呢，除咗系舒服就做之外，同埋费事引起猜测，既然都稳定，好似系时候俾大家知道，好让自己更专心我嘅事业。”蜜运后，张建声表示被女友驯服成小绵羊，完全无晒招积嘅感觉，但他表示因《反黑》开机在即，所以都要开始揾返感觉同减磅。

而对于被指系父女恋，张建声表示：“我直情觉得正啦，‘你得唔得吖？’哈！讲笑啫。爱情呢样嘢无分性别、种族同年龄，两情相悦挡都挡唔到，我同女朋友都系拍戏识，隔咗年几再见，缘份推动下喺埋一齐。”张建声否认拍戏时已睇中对方，并强调每次完成拍摄都会抽离角色。他又大赞女友比自己成熟、包容自己很多缺点、又会帮他照顾屋企，而女友亦已见过家长。“都有追问几时结婚，但我暂时都系醉心电影先，我相信女朋友应该系等到，毕竟父女恋嘛。”

问到有否向女友报备《一路向西2》当中嘅激战场面，张建声指女友十分体谅自己的工作，只要有足够沟通应该问题不中，加上自己是演员，不应有任何包袱，不过知道同睇到画面始终是两回事，张建声表示：“呢样嘢得就会教佢社会好残酷，到时首映如果我哋仲好幸福一定会带佢去，叫佢望实大银幕。”