传周柏豪内地两首歌酬70万　问及要否上缴老婆头都痕埋13字回应

周柏豪今日（29/12）现身将军澳电视城出席无线新剧集《旁观者》宣传造势活动。对于早前有指他在深圳一高级酒店为婚礼担任表演嘉宾时，只演唱了《我的宣言》和《最好不过》两首歌，出场费为70万人民币（约74万港元），引起网上热议，周柏豪亦有回应。

柏豪就事件接受《香港01》访问时笑言：“大家唔好咁在意个数字真定假，同埋我又唔系日日去做呢个工作，咁我又要做演唱会同埋拍剧，咁亦要照顾屋企人，如果你话一年365日都系做呢一样工作，咁就梗系开心啦，咁但系而家唔系，我都系开心嘅。因为我接触唔同嘅嘢，都系我必须嘅工作，同埋开心嘅系喺现场见到一对新人，系因为喜欢我而去邀请我去出席，同埋最重要系我同一对新人中间，我哋系有共同嘅朋友，并唔系贸贸然咁样出席，并唔系因为歌酬而出现嘅。（有钱都请唔到！）咁梗系啦，但有阵时唔使钱都会请到，咁所以冇一个准则，哈哈。（使唔使上缴畀老婆？）哈哈，点解你喺度问，原本唔使，俾你撩到有，原本我谂住有啲私己钱留低，俾你讲一讲，而家咩都要充公。”