旁观者｜马贯东爆拍亲热戏吴若希老公囡囡监场：好尴尬同压力大

马贯东今日（29/12）现身将军澳电视城出席无线新剧集《旁观者》宣传造势活动，马贯东（饰高大升）在剧中与吴若希（饰练采文）有感情线，双方少不免会有亲热场口。马贯东受访时表示：“今次剧中我嘅角色系一个好自恋同埋虾虾霸霸嘅人，其实佢又唔系一个衰人，但系外界嘅人就会觉得佢系，但其实佢系一个好人嚟。而我同吴若希系首次合作，感觉好新鲜。（同人妻吴若希拍亲热戏惊唔惊？）咁又唔惊，我好记得有一场接吻戏，佢老公同佢个小朋友都喺度睇住我哋拍，反而系搞到我有啲尴尬同压力大。不过唔系因为拍亲热戏佢老公先嚟，好多时佢都会嚟探班，知佢老婆吴若希拍剧辛苦，佢会等佢拍完接佢收工，所以佢真系一个好老公嚟。”