继肥妈话偏方“童子尿”可治奶癣　鼎爷称人奶可以疗伤：亲历其境

肥妈早前在抖音拍片分享美食与生活心得的同时，亦分享有关纾缓婴儿奶癣的古法偏方，指用“童子尿”搽患处，非常奏效。虽然肥妈力证曾用于几个孙子身上，但网民反应两极，但有网民力撑肥妈的推介让他们长知识。

肥妈和李家鼎今日（29/12）现身将军澳电视城出席无线烹饪节目《肥妈李鼎打大佬》记者会。肥妈就事件接受《香港01》访问时表示：“其实又唔系用人哋嘅尿，系用返个B自己嘅尿，搽返自己块面度，10分钟后用水洗返，3日佢就好，连类固醇都唔使搽。我以前凑自己嘅小朋友都系咁，不过明白我哋以前同而家嘅年代系唔一样， 大家要嘅嘢唔同。变咗而家讲好多人都唔多会接受，佢哋会去选择睇医生。而我呢啲方法都系由上一代传落嚟，我有6个小朋友，佢哋有病有痛，边有咁多钱带佢哋睇医生，都系要靠上一代嘅智慧，唔通我自己识咩，都系靠我阿妈。就好似以前我哋生鸡眼，我哋系用一炷香焫落去，成块鸡眼就会甩出嚟。”

身边鼎爷表示认同：“我哋系人穷智生，要知道小朋友啲尿系杀菌，而家啲后生系唔识呢啲嘢。以前啲人都系执啲药食吓，靠自然抵抗，相反而家啲人一有啲唔舒服就要揾医生。而我有样嘢，系我自己亲历其境，喺我细个嘅时候，我用木虱棍，将啲木虱扽出嚟，唔小心撞亲个头肿咗，当时细路梗系喊啦，有个女人就叫我过去，就喺我面前拉高件衫，就咁揸人奶，然后就捽落我个头度，唔够5分钟就散瘀，人奶系冇味嘅，唔骚系好清，我可以证明呢样嘢系得，因为我受过。”