万千星辉2023｜林景程晋级《飞跃》最后十强打定输数：表现唔理想

林景程今日（27/12）现身将军澳电视城出席无线《万千星辉颁奖典礼2023》“飞跃进步男、女艺员”十强候选人记者会。林景程凭演出《新四十二章经》、《隐形战队》及《罗密欧与祝英台》等剧集，成功打入《飞跃男艺员》最后十强。

林景程接受《香港01》访问时表示，对夺奖没有太大信心：“今次系我第二年入围，上年我都已经系平常心，变咗今年比上年更加平常心，好似波平如镜咁，连一啲涟漪都冇。因为我睇返自己几套获提名嘅剧集，觉得自己嘅表现唔系好理想，仍有好多进步嘅空间，而我嘅进步又未必系会去到飞跃，但睇返其他有份入围嘅候选人，就好似阮浩棕同马贯东佢哋嘅表现，我觉得佢哋今年非常叻仔，咁所以我都冇谂过今年自己会有提名，咁所以有提名我都已经好开心。”