张继聪慈父入晒血　轻扫囡囡额头问︰你今日开唔开心呀？

自从谢安琪在今年3月诞下细女张靖（Karina），爸爸张继聪经常在Facebook和Instagram放囡囡新相。每次张继聪望住囡囡不禁流露出温柔的眼神，果然“女儿是爸爸的前世情人”。适逢昨日台风“苗柏”袭港，大家收工赶住返屋企，而身为爸爸的张继聪平日工作极忙，却有机会借“苗柏”提早返屋企陪仔女。

昨晚张继聪在Facebook及Instagram都分享抱住囡囡的合照，亦分享与囡囡的谈心短片。在片中，听到张继聪一边轻扫囡囡的额头，一边问道︰“你今日开唔开心呀？”只见Karina“伊伊呀呀”，经已氹得爸爸好开心！张继聪亦留言写道︰“当你钟意讲嘢到达咗某个境界⋯⋯连两个几月大嘅女仕都会回应你。”其实作为爸爸，囡囡就算只是以一个笑容做回应，爸爸个心都甜到漏！有网友留言问︰“系咪已经连续同KarinaBB讲左（咗）几个钟头？痴汉爸爸”，又笑言︰“好似爸爸开心D㖞…”相信张继聪对住囡囡一啲都唔怕闷，仲嫌唔够耐添！虽然大家见唔到妈妈谢安琪，但大家都赞囡囡好可爱，好似咁靓女！