可宜预产期5月享受女王待遇 老公做“阿四”任佢点：斟茶递水

准妈咪可宜今日（27/12）以嘉宾身份现身尖沙咀，为HOY TV节目《坐月攻略》进行拍摄工作。可宜受访时笑言怀孕期间，完全体会和享受到什么叫做女王式待遇：“其实我好多嘢都唔识，睇得件事好简单，因为我系好随心，冇去谂咁多嘢。相反我老公佢系好紧张我，基本上揾我唔到，佢系会狂打畀我，会问我‘喺边？返到屋企未呀？’会叫我唔好喺行度碌来碌去。仲有每晚我夜瞓少少，佢就会叫我唔好捉佢个囝挨夜。所以而家喺屋企，佢系好照顾我，无论我想要咩，佢都会为我做，斟茶递水，佢都在所不计，佢真系好照顾我。不过听阿雪（孙慧雪）讲，呢啲日子一闪即过，就会打回完形，叫我好好享受做女王嘅滋味。”