MC张天赋承认爆Seed不满送餐平台慢 自揭曾与父亲合力送速递
撰文： 张祖铭
出版：更新：
MC张天赋今日（23日）出席“香港冬日美食节 2023”，在台上献唱《世一》，吸引200名观众围观。MC接受访问时回应《世一》未能入围“叱咤乐坛我最喜爱歌曲 2023” 最后5强，他说：“唔开心一定有嘅，但相信《世一》都系一首好好嘅歌曲，如果入唔到五强就冇计啦！只能够讲另外𠮶五首歌好听过《世一》，祝福佢哋！”
MC认为佘诗曼合作会有压力
至于佘诗曼（阿佘）日前接受访问表示有兴趣与MC合作，他表示：“坦白讲其实我唔知点解一同前辈合作就有压力，因为好多时候都唔知做得啱唔啱，因为好似唱歌咁系冇一个标准，所以我成日都会唔知自己做得啱唔啱。同时合作就会有压力，相信佢哋都会教我咁就冇问题。”至于有网民指阿佘早前曾经去过欣赏MC演唱会，属于赋二代（MC粉丝名称），他表示：“系呀！仲大压力，要相处落先知。”
MC指小时候曾经担任过速递员
讲到最近在社交平台爆Seed闹爆外卖平台送餐慢，他直言：“叫外卖好多时系因为我系好喜欢食嘢嘅人，大家都知道肚饿嘅时候系特别容易嬲，所以我承认呢一部份系情绪方面未去到太好，管理得唔系太好，但系责任都不只我一个，我唔记得咗几时整好喇！但系就系一个几钟先送到，当时嗌咗个通粉，好彩系分开汤上。”他继续指小时候曾经担任过速递员，他说：“𠮶阵时喺加拿大，曾经同爹哋一齐去做速递，𠮶阵时喺一间Pizza店度做，爹哋揸车，我就负责送，所以知道极端天气会辛苦啲。”