杜汶泽爆田蕊妮内地登台黑历史　老板唔俾钱仲揾枪指吓

杜汶泽为奇妙电视主持的《杜汶泽食住上》集集都有嘢爆，今集阿泽和嘉宾江若琳一齐坐天星小轮，坐上这个充满回忆的交通工具，阿泽竟然自爆小时候曾在天星小轮赖屎，又笑言读中学的时候已经“偶遇”过余文乐：“在元朗发生，我读中学个时好曳，乐仔在便利店买东西，我在门口食烟，见到佢就叫佢畀部单车我踩。”

阿泽话当时乐仔宁死不屈，然后他在节目上即时重演打乐仔的动作，之后他成功抢走单车，乐仔就坐在便利店门口喊：“佢大个认得我，佢问我记唔记得见过我，我话记得咪上过电台啰，佢话唔系啊，以前喺元朗呢，你记唔记得你打过个小学生，抢咗佢㗎单车，我心谂死喇，会唔会报警呢。”阿泽之后就大赞好彩乐仔心胸够广，笑完就冇咗件事。

江若琳近年在内地发展，阿泽就分享了一件有关杜太田蕊妮十几廿年前的吓人事件：“那时刚刚同杜太拍拖，有次去2线城市登台，个老板拎枝枪出来要佢唱，那时她廿几岁，居然话你枝嘢摆喺到系真定假都好难讲，你打我一枪我先知。”当时对方呆了，阿田就霸气退场，一回到房间就打给阿泽求救。

阿泽续说自己急Call了60-70个深圳朋友帮手，怎料又再收到阿田电话：“佢攞咗钱畀我喇，不如唱啦。（点解拎枪出嚟？）佢话玩下㖞。”阿泽最后要叫帮手的朋友回去，更笑言：“𠮶万八蚊事后都唔够我去请客！”