农夫爆曾有组合在颁奖礼观众席食焗猪扒饭 3大线索网民估系…
撰文： 邓颖琪
出版：更新：
组合农夫的陆永和C君，最近在社交平台拍片讲述自己最难忘的颁奖礼经历，他们自言在“淡泊名利”之前都去过很多次颁奖礼，但确实已经很多年冇去，而最难忘一次，竟是几乎肯定不会有奖攞的一次。
农夫说当时他们坐在台下一个“侧过侧田”的位置，身后坐著另一队已解散的四人组合，他们说：“我哋嘅前辈𠮶日坐喺我哋后面，咁喺颁奖礼大家就睇人攞奖，睇啲得奖者讲吓感言，后面个前辈拍吓我哋，我哋咪拧过去啰，突然间有个饭盒递出嚟，焗猪扒饭，吓？”他们对于前辈突然拿出饭盒享用感到非常惊讶，谁知前辈们却说：“系咁㗎啦，一定冇嘢做㗎，一定冇奖攞㗎啦，你食咗饭喇咩？一定唔会影到你哋㗎㖞。”另一位该组合的成员更说：“你唔钟意焗猪呀？有叉烧饭㖞。”
农夫深思过后，认为这个四人组合才是真正懂得享受颁奖礼，表示：“人哋睇戏食爆谷，睇颁奖礼咪食饭啰。”又笑言：“颁奖礼真系冇一条规条话‘各位歌手切勿带饭进场。’佢有同观众讲切勿饮食，但佢冇谂过你歌手会吖嘛！”而他们更说，自己今日淡泊名利，也全因这队组合让他们看到志在参与的精神。而虽然农夫冇开名，不过陆永和C君提到这个组合是比他们早出道、四人及已解散，网民就推断出是99年出道、13年解散的EO2！