亚洲超星团｜丁子朗被指个样老过MIRROR一成员　爆笑话计幕前年龄

由冯盈盈与丁子朗主演的TVB新剧《妳不是她》，将于圣诞节正式播出，一班演员今日（20日）到《奖门人》宣传。

冯盈盈接受《香港01》的访问表示有留意到丁子朗在《亚洲超星团》的表现：“好期待佢哋一公二公嘅表现，同埋希望佢哋会有更加多嘅舞台竞选，因为可以继续投票畀丁丁，等丁丁可以以C位第一名出线成团。”盈盈这样大力支持丁子朗，果然好感情。

最近有网民指丁子朗“唱又唔得跳又唔得”，丁子朗被问到有否伤心，他则说：“唔会嘅，咁我又的确系嘅，我相信网民嘅眼睛同耳朵都系雪亮嘅。”他指大家见到初舞台真的不太好，不论是唱歌还是跳舞方面，但大家看下去便会看到他的进步。

而被问到有网民指丁子朗加入MIRROR，更指他连“大表”Stanley都不如，他被问到觉得自己是上弦还是下弦，他则回答：“哗，真系唔敢谂呢个问题，因为坦白讲佢哋已经系一个成熟嘅队伍，我本身都好钟意佢哋，我有听佢哋啲歌，咁我真系冇幻想过加入佢哋系咩效果，咁但系至于系上弦定下弦留畀网民讨论，我自己都唔敢讲。”

而他被指老过MIRROR成员Frankie（36岁），他则说：“可能我出道比佢哋耐一年，佢哋17年㗎嘛，我16年，所以我系幕前嘅年龄系老过佢哋一年。”