Marco@P1X3L收马桶盖做圣诞礼物未算最伏　Phoebus竟收过一嚿砖头

男团P1X3L今日（19日）出席由Lunch K Live活动，并与80名Fans见面，欧镇灏（George）、叶振弘（Marco）和吴启洋（Phoebus）三位近来都常常与Fans见面，说送自己畀Fans是当作圣诞礼物。Phoebus就爆料指上年他们三个买定礼物交换，原本满心期待，但等了一年都未等到George的礼物，结果他和Marco只好各自拆返自己的礼物。

讲到有冇收过“中伏”的圣诞礼物，Marco说：“我试过收过马桶盖，我𠮶个电动马桶嚟㗎嘛，俾个马桶盖我做乜鬼！”Phoebus更竟收过砖头，当George问他是否即是黄金，他却解释：“我哋啲Friend交换礼物， Budget唔可以超过$100 ，大家就斗伏。（有冇用到？）都可以用嘅，攞嚟放返落楼下啰。”George则表示自己读书时常常著船袜返学，所以每年圣诞联欢会，班主任都会送一对白袜给他。

George正筹备新的Solo歌，他透露是一首比较曳的情歌，但暂时未知有冇MV女主角。回顾过去一年，P1X3L觉得彼此之间再团结了，三个各自都有成长，亦很难忘一起完成了《BOMB》这首歌，Marco又说自己的转变是做了跳唱歌手，并谓：“前几日终于试过第一次一个人跳唱Live ，几特别，有胃痛，但系好彩出到嚟我觉得都合格。”至于粉丝一直期待的音乐会有声气未，George表示：“今年公司系好积极地参与呢个Project，我哋年尾或者出年年头会开一个大会，到时Confirm！”

为今次活动担任司仪的吴嘉禧（Cheronna），被问起有冇同P1X3L合作过，她说以前Super Girls年代时，Phoebus已是其所属公司的师弟，所以《黑色西装》、《睡衣派对》的MV，对方都参与过。Cheronna突然想起一个经历，原来George仍是中学生时，他们已经见过面，她说：“呢个系Regen（张惠雅）话返畀我听，原来Super Girls做School tour嘅时候去过一间中学，George坐喺观众席，Regen好大声讲，哗呢个同学好靓仔呀！其实我系唔记得咗呢件事。（有冇畀返佢睇？）我冇Post出嚟，我唔想回忆返自己个距离有几远。”

日前生日的Cheronna，只是简单与家人、新领养的狗狗和老鼠食饭度过，她只希望自己和身边人都健健康康，一讲起新成员狗狗，她就十分兴奋谓：“本身系暂托，但失败咗，就变咗领养，冇办法啊，佢认定咗我做主人。我Post咗呢个消息出嚟，大部份人都系恭喜我，好开心，好多人都有留意到佢已经成为咗我嘅家人。”而新的一年，她希望可以推出更多音乐作品，尤其是自己正在创作的歌曲。

请按下图睇更多活动花絮：