“翻版超莲”钟采羲升呢老板开健身中心　对美要求更高：着咗魔咁

钟采羲（Iris）今日现身尖沙咀出席《圣诞节闪耀市集》揭幕礼。Iris上月与两名友人投资逾百万，于铜锣湾开设健身及瑜伽中心，即时升呢做老板娘。Iris透露自从开设健身中心之后，自己对美的追求胜过从前：“始终而家身份唔同咗，变咗做女人更加唔可以懒，尤其对健康都会紧张过以前，明白到要靓，首先要由健康开始，就好似我咁，我而家连酒都唔饮，饮完成个人会好肿，同埋会走晒样。做我哋呢行，为咗有最佳状态，我而家每星期都会安排好晒，每日都要做啲乜，边几日要做运动，同埋边日做瑜伽咁，真系比以前好讲究，觉得自己追求靓嘅嘢愈嚟愈有要求，好似着咗魔咁。”