靓声陈蔷天报名《声梦传奇》临门一脚被foul　爸爸江华：塞翁失马

江华、麦洁文、陈蔷天一家三口昨晚（14/12）为《欢乐满东华》节目采排。江华、麦洁文、陈蔷天接受《香港01》访问，麦洁文说：“上一次表演系10月份。”江华亦补充说：“如果一家人嚟唱，应该系明爱（节目），都好几年前啦。”陈蔷天于2022年出道做歌手，她接受访问坦言因为喜欢音乐而入行。

麦洁文续说：“佢钟意音乐嘅，除咗唱歌之外都会写词。”江华：“最近《狮子山下》辟篇都系佢写，邝美云首《家》都系佢写。”陈蔷天也说：“仲有《共创好明天》。”虽然陈蔷天出道只有两年时间，但发挥相当稳定且声音也十分甜美，而且她还有一个优势，妈妈麦洁文是著名歌手兼歌唱老师。

陈蔷天说：“最近有一个纪念梅艳芳嘅骚，要同好多歌手一齐唱，因为咁样就请教妈咪好多嘢，我觉得好幸运，因为唱歌做歌手，有要求嘅时候妈咪就即刻帮到手。”麦洁文又说：“有个高人指点咁，哈哈。”陈蔷天表示，妈妈教识她理解歌词。她说：“会拆解歌词，分析点样去打开件事令听众都明白，即系唱歌𠮶时要比平时夸张30%，个意思、感情先会出嚟。”

讲到唱歌，原来陈蔷天曾经报名参加过《声梦传奇》，但后来却未被选中参加节目。陈蔷天说：“𠮶时去过面试，second-in、final-in 都去晒咁样啦，然后就等签约啦，都拣晒。可能我误会咗啦，（叫我）等通知过嚟签约啦，点知两个月之后，可能佢哋有啲决定，就send咗封email话我知‘foul你’咁样。”

爸爸江华亦表示，不担心女儿陈蔷天因错过了《声梦传奇》就失去发展机会。他说：“我觉得一切都有最好的安排，有时系‘塞翁失马’啦。我哋入行都入咁耐，有时畀你得呜，签咗TVB后好多嘢都唔做得，即系冇咁自由。”陈蔷天也说：“反而更加坚定我嘅决心，唔系话一次唔得两次唔得就算数，我反而知道我冇（因为咁）就谂住算数。同埋我而家都睇到佢系选咩人实力，同埋外型入围，我觉得咁样都几好。”

因为什么原因而foul？江华直言：“边会写原因㗎，因为佢根本唔需要解释。”陈蔷天说：“都好正路，拣咗觉得唔啱咪话唔啱啰。”江华表示，情况就好似当年考TVB艺员训练班一样。