恋讲嘢｜嘉宾阿宝曾性幻想心仪男同学　忆述 ：佢咬住唇件衫又湿

由郭嘉骏（193）、谭凯伦、郑伊琪（浩南）和郭奕芯 (Ashina） 主持的VuTV节目 《晚吹一恋讲嘢》，最新一集请来一位嘉宾是职业主持的阿宝，年龄保密。她在节目中分享“单恋遇上Gay”的故事，更指对方一个行为令她着迷。她说：“我记得有一次佢咬住唇，件衫又湿湿地，𠮶一下我觉得好性感。”

忆述当年与男方认识的经过

193向嘉宾阿宝提问“你系咪叫做临门一脚挞Q，系咪自己误会咗自作多情！”她表示：“其实都好难唔会唔会，因为我哋每一晚都倾偈，同埋每一次message都好多表情，仲有心心喺后面。”她继续指自己会回复对方一个亲嘴表情符号，并表示：“系中学嘅时候认识，我哋两个都未拍过拖！”

她忆述当年与对方认识的经过，她说：“其实我觉得佢几靓仔，识得打扮识得衬衫，同埋佢好温柔。我哋系同班同学，有一次佢坐咗喺我后面。”讲到两人暧昧的情节，她表示：“我哋系同班同学，有一次佢坐咗喺我隔离就开始熟络，佢屋企明明有一架车可以直接返到学校，但佢会转车去到我𠮶个站，同我一齐返学，所以都几sweet。同埋都会一齐听歌。”

大赞男方流汗衣服湿透好性感

提到爱上对方的时刻，她笑言：“我记得有一次佢咬住唇，件衫又湿湿地，𠮶一下我觉得好性感，你幻想佢有少少汗，又望住你咬唇，同埋面红，𠮶啲画面令到我暗地里Oh My God，好多种种嘅画面令我觉得我哋有啲嘢。”阿宝更在节目中多次毫不忌讳展现嘴角上扬的一面。

被问到两人关系疏离的导火线，她坦言：“佢话有一件好重要嘅事要同我讲，我就算喺电脑面前都好紧张，只手湿晒。”193随即反问：“喂呀大佬，中学生讲啲湿晒，吓死人啦！”她继续分享：“之后我就话你咪讲啰，我ready 㗎啦！佢话要约一日出嚟，而且呢件事好秘密，佢要去海边讲。”

得知男方是同性恋劲失落

她重提当天海边的约会情节，她说：“呢样嘢好难开口已经摆咗喺个心里面好耐，所有呢啲前奏都令到我好紧张，我就话你系咪想x，跟住佢一句答埋嚟话我钟意男仔，跟住我就O晒嘴。”她指对方说完自己的心声后，表现得眼泛泪光，对方更表示：“其实我全班嘅男仔都钟意过。”最后对方向她解释以前一切的举动也是表现友好关系，最后他们至今仍然保持友好。