周海媚去世｜曾接受汪曼玲访问爆当年傻更更入行︰我爹哋整蛊我啰

有“最美周芷若”之称的周海媚，今晚（12/12）其工作室发文证实“海媚姐因病医治无效，于2023年12月11日离开了我们。”享年57岁，消息一出，震惊整个娱乐圈。

周海媚生前转战内地发展多年，早年曾回港拍剧，并接受资深传媒人汪曼玲的专访。当中谈到她于1985参选香港小姐后加入娱乐圈，随后更成为当红花旦。周海媚当时笑言：“傻人有傻福呀，我真系傻更更咁样入咗行，又唔系特登话要做呢行。”

她续言参加香港小姐是“我爹哋整蛊我啰”，“佢真系自己去TVB攞报名表，填完资料之后，又攞咗我啲相，𠮶张相仲系我家姐同我影，仲要系细路仔自己玩嘅时候影嘅相，跟住就同我去报名。”

周海媚解释爸爸想她参选港姐的原因是，别人眼中的周海媚可能很温柔、很女仔，但其实她小时候是非常男仔头，所以爸爸觉得这个不行。“佢觉得我已经18岁大个女，要意识到自己系一个女仔，要去学吓点样做一个淑女，所以就帮我报名选美，同埋佢觉得一个女仔18岁，系一个好宝贵嘅阶段，所以佢就想我有啲特别嘅经历，其实当时我系同我姐姐一齐报名嘅，我（事前）都知知地，爹哋攞个表格返嚟，又问我家姐攞相，咁我又唔理嘅，因为我仲返紧学，当时其实仲要考会考，仲读紧书，后来无线就打电话嚟，通知我入围嚟interview，我仲吓？反问佢系咪玩我㗎？后来再对返啲资料，原来系真嘅，我开头仲以为爹哋系讲吓，冇谂到佢系嚟真。于是咪去啰。”从此就展开了她的璀璨星途。