陈凯琳仔仔竟想养曱甴大感骄傲　掌管家中财理大权自爆系管家婆

靓妈陈凯琳 (Grace) 今日为“中银理财”“FamilyMAX亲子保育活动”担任嘉宾，她还会与现场的小朋友一起近距离接触各种动物。虽然她的宝贝仔仔没有参与今次活动，但她回家后也会跟仔仔分享探访动物的经历。陈凯琳表示她的仔仔都很喜欢大自然和动物，有一次仔仔在家中看到一只曱甴，竟然说要养牠。

问到陈凯琳当时如何应对仔仔要养曱甴的要求，她说：“其实我系鼓励佢嘅，因为我自细就好怕曱甴，如果从小就教仔仔唔使怕，畀佢接触，佢就唔会惊咗，唔干净咪洗手，只要唔系伤害到佢身体就得，我觉得好骄傲，佢好勇。（最后有无养？）无，本身有养一只甲虫，惊两只昆虫一齐会打架，我同佢讲只曱甴要野生先可以生存到，佢都明白，佢钟意见到生命。有时我哋捉到曱甴，佢见到我哋要掉落垃圾桶，都叫我哋要放生。”

陈凯琳又透露有为3个仔仔开立银行户口，从小教导他们要懂得理财。她说：“我哋买咗钱罂畀佢哋，话佢哋知要储钱先可以买嘢，平日佢哋帮手做家务，读书考试成绩好，都会畀钱佢哋储，等佢哋知道要付出努力先可以得到想要嘅嘢。佢哋识得开个钱罂攞啲钱出嚟，出街有畀佢哋拎钱去用，教佢哋一蚊、二蚊、五蚊系咩样嘅，等佢哋有呢个认知。”她坦言掌管了家中的财政大权，老公郑嘉颖在家庭财务上都由她话事。陈凯琳笑言：“因为我系管家婆嚟嘅，yeah。”她又谓家中最大开支就是仔仔的教育使费，亦慢慢感受到养一个孩子要花几百万的压力。

另外，对于日前郑嘉颖表弟王贤志在社交网疑暗指郑嘉颖是双面人，问到陈凯琳可有留意有关事件，她说：“其实真心想呢件事唔好再讲，最重要系好想祝福一对准新人佢哋 (马国明与汤洛雯) ，唔想再讲呢啲是非，想要正能量。”她表示这些负面新闻并没有影响到他们夫妻俩与一对准新人的友情，只是一些小手插曲，强调迟些会补返与他们食饭贺新婚。