郑嘉颖被网民围插态度差 黎诺懿开腔护航：讲者无心听者有意

郑嘉颖被眼利网民发现多次缺席“铁马家族”聚，被指与马国明根本戏内戏外都闹不和。而日前郑嘉颖出席公开活动时被传媒追问关于马国明的婚事，郑嘉颖显得不耐烦，反驳说：“佢话叫你唔好再问，叫你够啦”，此举惹起网民怒批无风度，引起全城热话。

随后郑嘉颖表弟王贤志在IG出Story暗有所指写道：“始终都系日久见人心，幕前幕后两个样其实我早就见识过，所以一早已经放弃同呢个人有任何联络。如果问起我佢嘅嘢，Sorry佢唔系我边个，连朋友都讲唔上，千祈唔好再问我。”令事件不断升温，陈凯琳都要出面为老公郑嘉颖解画救扑火。

曾经和郑嘉颖合作过无线剧集《Only You只有您》及《争分夺秒》的黎诺懿，今日（8/12）现身澳门出席澳娱综合呈献《寻味澳⾨》宣传造势活动时表示：“其实我唔敢话人，因为我成日都经常会出事。（你同佢相处系点？）系好好㗎，嘉颖系一个好好嘅前辈，我哋相处冇乜问题，系好好。可能今次系讲者无心，听者有意。如果你问我，我就觉得最重要系马明同嘉颖冇嘢就得啰。（负面新闻会唔会为嘉颖造成压力？）咁就应该唔会啦，佢好硬净嘅，去到嘉颖咁嘅质素同经验，应该系冇嘢难得到佢嘅，而我就觉得就系小道花边消息啫，时间过咗就冇嘢。”