新闻女王｜林燕玲自觉跑新闻似张家妍 忆述虾碌事件：突然停电
撰文： 张祖铭
出版：更新：
林燕玲今日（8日）现身西九文化区出席《共建美好社区大汇演》拜神仪式。提及最近热播的TVB剧集《新闻女王》，林燕玲接受《香港01》 表示：“我除咗开电视睇之外，有睇YouTube同埋睇埋佢哋嘅剧集精华，同埋睇埋啲演员访问。”她继续指至今也是从事媒体工作，感觉很像投射自己进去剧情。
林燕玲承认当年竞争好大
被问到当年的竞争是否很大，她说：“喺职场上，你喺任何时候都会觉得竞争好大，每个人都向着同一个目标，个个都想坐𠮶个位，所以系好平常嘅事！”提到剧中那一个角色影射到当年的模样，她表示：“每一个角色都系投射咗好多人落去，譬如佘诗曼嘅角色喺现实生活都集合咗喺新闻办公室里面唔同岗位嘅人嘅责任摆咗落去，又或者好似张家妍（李施嬅）出去跑新闻，我都谂起𠮶阵时跑新闻嘅日子，可以投射喺唔同嘅角色里面都揾到自己，我哋新闻工作者，主播又好记者又好点解睇得咁投入呢！就因为咁嘅原因。”
林燕玲最印象难忘讲股票成交
讲到剧中的剧情有工作人员会协助主播戴耳机，她指现实中也是有发生过，并表示：“睇情况。你好赶或者好忙嘅时候，就一定会有人帮你。”至于过去有否发生过“虾碌”事件，她说：“以前做财经台有试过个直播突然停电，都冇乜嘢要当冇事咁发生，做直播最印象难忘，通常都系坐得好耐，有试过坐四五个钟头，或者最印象难忘就系讲股票讲成交就好紧张，入去闯去报新闻，之前未见过风浪就会好紧张，下一次嘅时候你就会觉得唔紧要。”