何广沛呻失落佘诗曼激情床戏取消　被问接受“有性冇爱”7字回应

何广沛昨日 （7日） 现身尖沙咀出席《新闻女王》庆功宴，他接受《香港01》 访问大谈与文姐（佘诗曼）恋爱情节：“因为我同文姐系地下情，我哋嘅关系系比较收得埋啲，同埋我哋呢套剧通常都系职场嘅斗争，爱情都系点缀，始终文姐都系日理万机，所有嘅部门同下属都系佢管，佢只能够分配好少时间俾我，大家都知道啦！夜晚系七点收工，去到十一点之前就系我嘅休息时间，系属于文姐时间。”他继续指SMK（公司）并没有任何人知道他们的关系，并表示：“我哋嘅保密功夫系做到非常之足，喺公司里面有好多细小动作都表露咗我对文姐嘅爱。”

精心准备晚餐遭文姐冷漠对待

讲到有一幕精心准备晚餐给文姐，却遭对方冷漠对待，他直言：“其实𠮶一场系流露真正失落嘅感情，原本𠮶日会有床上戏，因为时间关系就cancel咗个一场，我怀着𠮶个心情去拍𠮶场戏，我系等咗呢一幕七个钟，个人嘅身体已经抽到好干，48小时冇饮过水，好辛苦嘅状况，𠮶阵时听到你唔食我嘅牛扒，𠮶一下跌落去系人嘅Energy最低，已经等到凌晨三点钟𠮶一场戏。”被问到原本床上戏的有几激，他笑说：“𠮶一场戏，我由79 kg减到𠮶阵时最瘦67 kg，𠮶阵时真系好干，文姐有叫我食返多啲嘢因为块面激瘦。”提到原本的床上气氛画面，他表示：“原本都几刺激，但我唔知道导演监制可能有另外嘅想法，拍出嚟嘅画面系唯美啲嘢，我觉得呢啲就尊重返导演同监制嘅指示！”

何广沛接受唔到“有性冇爱”

被问到现实当中曾有否被女友拒绝过精心炮制晚餐的经验，他笑说：“我就真系未试过啦！如果咁有心准备一个晚餐另一半，我谂真系散得，好难接受。如果我有另外一半准备晚餐俾我就算有几唔情愿，几唔啱食都好，在呢个心意我一定会俾足面子去食，我唔会话唔好意思揾返十年前𠮶个我，呢番说话真系文姐先讲得出。”至于现实当中会否接受“有性冇爱”，他坦言：“我真系接受唔到。因为Ivan BB（何广沛）太过当女神去崇拜，因为你谂吓Ivan BB唔单止接受到地下情，亦都接受到11点前就返屋企，好无私嘅付出，但系就不求回报，呢种男士都系绝种好男人，呢种好男人只会存在喺戏剧里面。”