专访｜吴林峰认真谂过应否争叱咤奖：原来系呢个味道

吴林峰上年第2首派台歌《末生》，终于圆梦邀得“鬼才”林夕填词，在收到成品时，虽然只只字都识但完全唔明想要表达什么，拖足几个月唔肯录音，对乐坛颁奖礼己打定输数。“我系打从心底care 自己做唔做到某啲嘢 , 多过我得唔得到某啲嘢 。”望一望同期嘅新人姜涛、林家谦、陈凯咏，再经历埋母亲大人一场大病后，吴林峰认为自己“5年都未死 ，算系咁” 。

一讲到《末生》，笔者第一联想到2014年韩国神剧《末生》，以职场新人的视角描绘职场人们的面貌，被称为“工薪阶层教科书”。吴林峰当初一直理解不了夕爷的词，加上未得到夕爷官方解说，于是用了两天时间煲完《末生》，看看可否由剧中揾出少少答案。“睇完好概叹，剧集讲嘅系揾存在喺世界嘅意义，而未生系围棋嘅术语，还没确定死活嘅棋子，接下来可以做活，也可以放弃它转而争取其他利益，取舍之间没有对错，只在选择，完全呼应人在 ...而喺我录完晒首歌后，终于收到夕爷嘅解说，首歌最想同大家讲，可能有啲嘢无得改变，譬如你嘅出生，但未去到终点都唔应该放弃 。”

吴林峰说第一次收到《末生》歌词时，因为当中讲述人生、历练，他怕自己太年轻而未能驾御，所以一直拖得就拖，直到拖无可拖，试唱第一句起鸡皮、中段落泪。“‘十五六岁便饮饱废水’真系好香港精神 ，到底夕爷点写到出嚟 ？最唱唔到系‘谁决定未来暂时还没空位，虽则有伟大灵魂未能被承认有躯体’ ，原来好多嘢一早被决定，例如好多人都叫自己唔好做音乐， 但庆幸自己过到 ，又谂起朋友出生好好，但自己去开餐厅然后执咗 ，用尽唔同办法去生存，一边唱一边谂起好多故仔。”

获得夕爷嘅加持，会否想以奖令《末生》更有意义， 吴林峰笑言：“《挨面包》出完之后咁耐先出《末生》，我都应该唔使再谂咩奖 。其实我整歌时无特别去谂奖， 我啲歌未必会好多人突然好钟意，所以我心态系啲歌比人听耐啲，好过急于一时好红，追奖会有机令曲色好单一化。同埋𠮶时三个月未出到歌，本身系想揾定MV班底，但原来大家都无期，到有歌词时，又唔系好知点唱，好多问题令你无时间去谂奖，同埋今年系学习年，觉得自己塞咗喺某啲位 。”

无谂但唔代表无争奖心，但吴林峰嘅目标系“唱作人”系列，所以当初态《我也难过的》夺得叱咤十大第九位，第一感觉系惊到爆。“开心系首歌自己作，作曲得到认可，同埋令大家听到谢芊彤把声，庆功完之后我真系有好好考虑下年系咪想继续争奖，原来拎叱咤系呢个味道。而结论系我今年啲歌要好过上年，唔想《我也难过的》成为唯一一首俾人知道嘅作品，亦想知自己仲可以写到咩。”吴林峰说年初时写歌写到发癫一样，由于将兴趣变成工作，连放假时都在写歌，压力巨大。“同埋唔知系咪谢芊彤原因，我会好想帮到写歌俾佢嘅人，今年几唔开心嘅位系帮唔到张蔓莎（《自动登入》）。”

入行5年，吴林峰数出同期新人包括姜涛、林家谦、陈凯咏，加上社会运动、疫情，认为“5年都未死，算系咁”，他解释：“冇一个刻系令以前相信、帮过我嘅人失望，唯一唔满意系未令屋企人生活好啲，阿妈而家都仲要返工，因为佢之前大病。当时谂咗好多，觉得自己好任性，𠮶段时间都几难挨，本身有笔钱系应急 ，𠮶时一次过用晒。”钱无咗可以再钱，吴林峰庆幸当时有钱用动用，亦庆幸妈妈嘅病在早期发现并就医，现时已痊愈。