新闻女王｜高海宁亲解角色不止卖弄身材：14集后睇到野心背后原因
无线（TVB）剧集《新闻女王》热播，不只是香港就连在内地讨论度也十分高。高海宁于《新闻女王》中饰演许诗晴。昨日（04/12）《新闻女王》剧集宣传活动中，高海宁接受《香港01》时直言“许诗晴”是一个进取心非常强的女人，且意外亦受到网民欢迎，她十分开心地分享，有不少“丝打”欣赏许诗晴那种明刀明枪的做法。
新闻女王第13集剧情｜马国明直播拆解性骚扰丑闻 何依婷跪佘诗曼
“丝打”观众劲like“许诗晴”
高海宁说：“内地啲观众真系好钟意许诗晴，佢哋会帮佢解释每一场戏，分析佢嘅心路历程，大家都好欣赏呢个角色，够拼够搏够胆做嘢，同埋目标清晰，将个野心摆喺块脸度。可能大家都出嚟做得耐，宁愿要啲真小人，同埋啲人都钟意女仔唔好挂住拍拖，成日恋爱脑。”
睇身材定演技？
高海宁加入无线15年来，有不少人都集中焦点于她的身材之上，而非演技。谈及这一点，高海宁就表示问题不在于观众从哪个角度看她，而是在于传媒怎样报道。她坦言：“要靠传媒，因为你哋不停呢啲问题，导致大家睇嚟睇去都系呢啲内容。咁咪冇办法跟剧情进步。”
感同身受：靠传媒切入点
她表示，如果传媒将重心放在角色的内心戏之上，而并非“许诗晴拉低胸口拉链”一幕的话，整个方向就会不一样。她说：“我做咗新闻主播之后，（发现）所有舆论都系靠（睇）传媒切入点，带领大家，所以应该系传媒帮我，将大家视点转去我演技方面，系咪先？”
父女情值得关注：最柔弱一面
记者问，整套戏之中，观众的视点应该放在“许诗晴”的哪里？高海宁回答：“我觉得Cathy应该分两part。14集之前所有，每一场戏，做嘅每一样嘢，都系Build up Cathy嘅人设，佢系一个为坐主播位，几进取嘅人，每有事件都系建立紧呢样嘢，所以佢俾人感觉佢外面好强，但系第14集之后，就会有佢同爸爸嘅剧情，睇到一个人嘅野心背后，咩原因导致佢变成咁。网上有好多所谓高光点，啲女仔觉得佢好清醒，例外‘佢食我定我食佢，边个话得埋？’同埋佢过档去Man姐𠮶part，佢眼神都杀到好多人，另外一part就系佢同爸爸嘅感情，事业咁强大家可能觉得佢冇感情，但原来佢最柔弱一面就摆咗喺佢爸爸面前。”