吴日言离港多日与大女视讯　对方一句无情说话伤透心疑关系不佳

吴日言（Yan）近日掉低一对仔女，离港10日与老公去英国，顺便睇楼，本来以为仔女一定会好挂住自己。不过，Yan近日贴出与5岁大女Bea视讯的短片，片中女儿不但只挂住爸爸，更叫Yan以后留在英国不要回来，令作为母亲的她非常伤心，直认心灵受重伤。

Yan两公婆近日身在英国，她上载两段与女儿Bea视讯的短片，其中一段是她单独与囡囡对话，谁知对方只不断叫嚷：“我要爸爸！我要爸爸！我要睇爸爸！我想你快啲畀我睇爸爸，唔该！唔该！”足见大女非常黐爸爸，难怪是“前世情人”。而另一段片中，Yan两公婆与女儿的对话中，女儿叫爸爸快点回港，Yan就问：“咁妈妈呢？妈咪去唔去呀？”对方竟完全唔畀面，对她说：“去！你留喺England，爸爸返嚟！”心伤的Yan再问：“你唔想见我咩？”最终换来女儿的一句：“No！你以后以后要留喺England！”

虽然Yan口讲“好啦，咁我唔返嚟喇，Bye Bye。”但她在IG贴文中明显是真心因女儿的态度感伤心，问道：“😓系咪同佢八字唔夹?真心系伤心🥺点解要咁对我……”其实上月Yan帮Bea搞5岁生日会时，已边出Post边流泪，她曾有感而发表示：“你真系太似我，无论外貌和性格，就连态度和语气，都好似翻版一样，所以我哋夹唔到，😅或者好快你会讨厌我、憎我甚至离开我，唔紧要，妈妈一样会爱你。（边写边流泪😢）”网民都安慰Yan，指女儿大个便会明白妈妈疼锡自己，又指可能细仔会很喜爱她，不过Yan就觉得情况不乐观。