钟培生唔怕刘马车涉非礼掀退飞潮 有关法律援助：唔会支持呢个人

《培生擂台：无敌杯》今日（1日）在湾仔修顿场馆举行，钟培生在晚上六点四十分接受访问回应网红“刘马车”刘骏轩涉非礼案被警方拘捕一事，他表示：“我事前唔知道，佢系前日涉嫌一啲非常之唔道德嘅行为，我哋都揾咗法律团队去了解，同警方去沟通，所以赶到过嚟之后再配合警方协助调查。”讲到是否已经有律师等候刘马车，他说：“系呀！有律师去等紧佢。”被问到会否害怕刘马车有特别的举动，他坦言：“由于我哋现场好多保安，大家一定会好安全咁进行，今日我哋本来同警方沟通紧有冇机会刘马车有冇可能放返出嚟，之后返到去先再审，现在都仲喺度沟通紧，到而家呢一刻都仲系警署入边，无论个结果系点都好今日嘅比赛点都会进行，我哋都应承咗大家比赛可以keep住飞尾，今日我哋主轴系霍哥打周永恒。”

至于今晚刘马车能够出来比赛的胜算高不高，他表示：“依家都系仲唔清楚，系喺警方扣留嘅阶段，你睇吓我哋而家都一路讲紧电话，唔到8:30我哋都真系唔知，点都好所有嘅赛事都会如常举行。”提到刘马车现在的形象变差会否担心影响比赛，他表示：“作为拳赛每一个人上台都系最公平嘅地方，见到好多外国嘅拳王，有曾经强奸坐过监又上返台，例如林作系一个好冇道德嘅人，就算系买毒品嘅人，喺台上每一个人都系公平。”讲到刘马车比赛会否延期举行，他说：“我哋会尽量去做，当然要龙心OK，睇吓刘马车几时放出嚟，如果系定咗罪的话就唔知道佢坐几耐，放返出嚟就会识得去合适嘅地方继续比赛！”被问到会否担心掀起退飞热潮，他说：“我哋完全冇接触过退飞潮，讲返其实今日喺卖飞嘅平台仲有好多人卖紧飞，可以俾大家睇吓我WhatsApp，超级多人同我讲要买飞，我哋啲门票成个月前已经清晒。”提到刘马车的法律程序是否全程钟培生协助去支持，他说：“我完全唔会支持呢个人。”钟培生续指“如果刘马车今晚未能出席，观众保留票飞，迟啲有机会再搞过！”。