钟培生拳赛未受刘马车涉案影响照常举行　对手龙心嬲爆：妖气作弄

钟培生今日（1日）于Facebook拍片回应有关网红“刘马车”刘骏轩昨日（30日）涉案被拘留一事，他指会尊重警方的，即使比赛延迟，仍然呼吁各位观众保留票尾。在今天下午三时，他的公关团队负责人接受《香港01》访问表示：“比赛会如期举行，即使刘马车不参加都会照常举行，佢同龙心𠮶场比赛就会押后到保留票尾，等佢出嚟再会安排多一场，凭着票尾就可以再去睇！”他继续指刘马车正在拘留阶段，并表示：“佢现在未俾人告，就睇吓佢会唔会放到出嚟，睇吓佢有冇update到我哋，因为我哋未有人联络到佢，因为我哋唔系佢屋企人！”

龙心表示会打瓜刘马车

另外原定与刘马车打决赛的竞争对手龙心也有接受《香港01》访问表示：“钟培生话佢有机会八点钟出到嚟，暂时净系知道呢个消息！”他继续指自己感到很唐突，并表示：“我话系妖气作弄，唔俾呢场盛事举行去打开第六宇宙，因为呢个系打开第六宇宙之门最重要嘅。”他真情剖白自己的心声：“呢个系开门嘅仪式，你谂吓如果我干旱咗咁多年，今次真系有机会上台，我次次都上唔到台，《城市论坛》我上唔到，要去到爬树先可以令到佢停台，跟住立法会议员就cancel咗我，现在终于有得上台竟然出现咗呢啲咁嘅问题，系咪俾妖气笼罩住，系咪唔俾我第六宇宙爆发出嚟，好奇怪，事有跷蹊，呢个情况唔正常！”

被问到若果刘马车未能够出席今晚的赛事，是否有更多的时间去练习，他坦言：“唔使啦！今晚KO.佢打瓜佢，佢带定个棺材嚟，已经会打瓜佢，就叫佢收X，唔使讲嘢！”至于对自己的胜算，他坦言：“9万%，一定打得低佢，睇佢瓜唔瓜姐，佢都带定棺材准备定瓜。”