金燕玲笑认贪图苏施黄照顾　六年时间磨合曾表示：我唔系挛㗎！

卫诗雅（Michelle）拍摄的网上饮食节目《卫食攻略》，昨晚（30日）上架的一集请来于电影《不日成婚2》中饰演卫诗雅奶奶的金燕玲任嘉宾，讲述从离婚遇到真爱，以6年时间与苏施黄磨合经过。

二人边食边倾偈，Michelle提到大家对金燕的印象应该是早上六点起床，会看小说，做瑜珈，到花园走走，很写意的生活，但金燕玲表示：“好似每样都唔系，我好夜瞓，平均三、四点先瞓，早起身对我嚟讲系一件好痛苦嘅事。”她提到曾经有位记者想跟拍她一星期的日常，当中牵涉苏施黄：“佢意思系点解一个女人好似我咁样经历咁多嘢，离过两次婚、无端百事最后又同个女人一齐，跟住又生两次cancer，佢会觉得点解一个人身上可以发生咁多事。”

问到如何认识苏施黄？金燕玲坦言二人一开始只是雀友的朋友，一点都不熟，“佢知道我当时嘅处境，可能佢钟意我啦，又觉得我好惨，佢话：‘人哋捞呢行你又捞呢行，你捞得咁凄凉？’𠮶阵时我都五十岁，其实我系想讲，‘我系贪图你照顾我。’但你系我嘅partner，我哋系一齐住，你出去你都系我嘅the other half！”金燕玲谓并非因为离婚受了刺激而转性取向，而是因为苏施黄提供一个照顾她的方案，“但我话：‘我唔系挛㗎㖞。’同埋我话：‘我唔识㗎㖞，你要做乜㗎？’哈哈！”

金燕玲又大爆苏施黄追她追到去英国，“你都唔知佢追我时系几咁romantic，佢情人节飞嚟伦敦一日。佢呃我话有个朋友会嚟伦敦，问我喺香港有乜嘢需要买，托佢拎俾我。我话英国好难买中式镬，如果佢朋友唔介意就帮我买两只镬过嚟啦，哈哈。之后一日佢话佢朋友到咗英国，俾咗酒店地址叫我揾佢攞，第二日晏昼去到就系佢啰！之后佢就同我食晏，又请我上佢房，我又好够胆上去，上到房系完全冇嘢做，只系倾偈。”

她坦言二人一起，相处了差不多五、六年的时间，她才觉得舒适。苏施黄更改变了她的想法，从一个“唔知可以挨到几耐”的心态跟她开始，“结果我同呢个人嘅时间系长过我两段婚姻加埋！佢从来冇逼我做任何事。我哋一人一间房，生活独立、经济独立，但系屋企照顾佢做到嘅佢尽量照顾晒。”因为苏施黄，金燕玲对爱有新的体会，“以前两段婚姻我系奉献，对方钟意呢样嘢，我就去做，氹佢开心，付出系冇问题，但付出到冇自己就系一个问题。”她更警醒女性们，“为屋企为老公为仔女付出系应该，但你唔可以冇咗自己，你应该要保持自己嘅兴趣，同埋工作。”