《慧妍雅集》信托委员会主席曹敏莉　亲揭港姐林钰洧不获加入真相

《慧妍雅集》信托委员会主席曹敏莉（Mandy）今日（30/11）现身尖沙咀出席颁奖礼。对于早前有报道指上届港姐冠军林钰洧在选美期间，负面新闻不断，加上曾在ViuTV节目《对号入座》及《鬼同妳上位》时大胆自称有5位性伴侣，还大胆谈“床史”，被封为新一代“性女”。有传林钰洧“性女”形象太过深入民心，因此无法加入慧妍雅集。

Mandy就事件接受《香港01》访问时表示：“通常如果想加入我哋《慧妍雅集》，就要睇吓有冇委员提名，而我哋都好似冇收到林钰洧嘅入纸申请。（如果林钰洧冇申请，但又攞咗冠军，你哋会唔会愿意畀佢加入？）我哋通常都要收到申请，就会过堂，大家就会开个会，然之后睇吓有冇人反对，但到现时我哋都冇收到佢嘅申请。（会唔会佢形象负面，所以比较难加入？）我谂每个人都有过去，加上佢冇申请，咁我好难答你呢个问题。我当年加入，都要经过审批。（过堂时，会有几多人一齐审批？）次次唔同，如果我得闲嘅话，我就系其中一个。（佢喺你心目中，佢形象系咪真系咁差？）其实我未亲身去接触过嘅，但我就觉得佢好高同好靓女。（如果佢入纸申请，佢觉得佢入嘅机会大唔大？）假设性问题㖞，哈哈！”