郑裕玲大赞佘诗曼新剧做得好　得知王嘉尔回港：好想访问佢

郑裕玲（Do姐）与佘诗曼（阿佘）现身九龙圆方出席品牌活动，吸引百名市民围观。下个月即将踏入圣诞节是去旅行的旺季，Do姐接受访问表示：“圣诞就唔会去旅行，我觉得会好多人，好惊冻得滞，迟啲先啦呢排工作都多！”她继续指很多地方都想去，并表示：“我都好矛盾，近近地就去日本北海道，又或者去热带嘅地方，新加坡及马来西亚。”

郑裕玲煲剧搽面膜保养

被问到如何保养，她笑说：“我就钟意煲剧，呢一个系指定动作，我真系好钟意睇剧，由细到大就钟意睇，坐喺度你就唔郁得啦！我就搽晒啲保养品同埋面膜，用嚟碌吓碌下，好似几有效。”至于有否看热播的TVB剧集《新闻女王》，她表示：“啱啱都有同阿佘（佘诗曼）讲做到呢个咁样嘅角色，同以前嘅角色好唔同，我好恭喜佢！”讲到会否考虑邀请阿佘上电台做访问，她表示：“佢上一次未开始拍呢出电视剧嘅时候，就系电台同佢做访问，佢𠮶阵都话要返返去拍剧唔知点，今次见到佢就拍完啦而家仲播紧好开心。”

郑裕玲望再次访问王嘉尔

讲到乐坛颁奖典礼即将举行，问到有否投票，她表示：“我又冇做过呢件事，挂住煲剧，系咪应该要投吓，等我留意吓先！”至于会否投票给姜涛，她回应：“我唔系你哋讲边个就边个，我要睇去2023年做过啲乜嘢由头到尾研究吓先，下次先答你！”提到她最爱的男星王嘉尔回港出活动，她表示：“系呀我都好想访问佢，但系相信佢都好忙，因为有好多影视红星如果系有活动，佢净系会做𠮶个活动，就好难应承我哋做访问，希望佢有时间啦！我哋无任欢迎好想访问佢。”