新闻女王｜李施嬅爆剧情暗示角色将会黑化：呢间公司冇一个好人

李施嬅（Selena）昨日（28日）现身红磡出席台庆剧《新闻女王》宣传活动。Selena最近凭新剧张家妍一角深受观众喜爱，更夸赞她相当有正义感，她接受《香港01》访问“好多谢大家，今次真系豁出去，你睇我嘅角色其实比较唔打扮，望落去唔系行靓，个样净系想会做一个好冲嘅人，会比较串嘅一个人，系本身唔系个人串，系因为系间公司抑压住，佢系会有呢啲咁嘅咀脸或者态度，所以完全喺𠮶个角色𠮶度抽出嚟，好开心大家见到另一个李施嬅！”

李施嬅认真人与张家妍有部份相似

至于真人是否跟角色一样有正义感，她说：“我有少少点点似佢，我哋都好钟意自己嘅工作，唔会谂好多做人唔系好叻，但系就好努力工作！所以睇到我工作好多年先会有出头嘅一日，张家妍就仲未出头，路有少少相似，我又唔知佢俾人抑压，佢就坎坷啲！我就唔系好识做人，但我都唔会去得罪人，佢闹人同埋摆咀脸！”

李施嬅自爆少出街

被问到出外时会否遇到粉丝大嗌角色名，她坦言：“其实我好少出街，其实有啲粉丝会叫我张家妍，有啲就特登整个叫我家妍姐，喺呢套戏我就最多恨人“姐”我，都好开心嘅！”她继续过去演出的剧集平时比较少人讨论，并表示：“上一次已经系《金宵大厦》，所以今次《新闻女王》真系好开心，好成功！”讲到剧集当中会否由好人角色变奸，她说：“其实好多人网上已经话我黑化，个个都话等紧我几时黑化，我觉得奸唔奸，其实呢间公司冇一个好人，大家都系恶人，大家都系奸，会唔会有一日逼到张嘉妍都会行呢条路，我觉得都会有机会，因为去到绝路嘅时候就好人性，冇一定嘅好人亦都冇一定嘅坏人！”

李施嬅急速向网民澄清冇“双视后”

提到网民看好与佘诗曼齐夺“双视后”，她笑说：“冇呢样嘢！但就系好开心，因为我觉得每一次，大家想我攞视后嘅时候，我啲竞争对手都好劲，今次阿佘又系好劲，之前就同惠英红又或者杨千嬅，我系好开心嘅！不过视后呢样嘢我就冇谂好耐，完全唔系我个脑入边，我觉得呢套剧对我嚟讲已经系赢咗，好感恩大家赞我已经好开心！”