巩姿希被网民批“机心女”　多年选择坦然面对：有机心一早上咗位

前无线《娱乐新闻台》女主持巩姿希 （Krystl）2018年透过参加《香港小姐竞选》后加入TVB，及后主力担任娱乐新闻台主持，亦不时会参与综艺节目或剧集。巩姿希担任《娱乐新闻台》期间，每次采访时，衣著穿搭总是性感前卫，吸引了不少网民目光。有网民批她是故意抢尽嘉宾风头，行为令人讨厌，因此封她为“机心女”。

巩姿希今日（28/11）现身湾仔出席《WDSF 拉丁团队舞世界锦标赛-香港2023》记者会。对于被网民封为“机心女”，巩姿希接受《香港01》访问时自信回应：“其实听到呢个称号系会唔开心，讲真有边个人会开心，但之后我就会觉得好好笑，其实佢哋不停咁讲，无论我做咩都会不停咁被标签。但我身边啲公司朋友就成日同我讲，佢哋都讲咗咁多年，如果咁有机心就一早上咗位，咁所以到而家我都仲未上到位，咁就证明咗唔系。”

巩姿希续说：“而家我都睇开咗，始终有标签总好过冇标签好嘅，我系会用时间去证明我自己，咁所以我就冇执著人哋对我嘅标签上。同埋好多嘢出到嚟都系一个误会，我亦都觉得唔需要去解释，同埋前辈都教识我时间系会证明一切，咁我选择唔用言语去解释，就用时间去解释，好感恩呢5年来喺《娱乐新闻台》嘅同事教识我好多嘢，令我开窍咗。”