孙慧雪6岁大仔40度高烧1星期 腺病毒入院：传染性极高酒精杀唔死
撰文： 洪晓璇
出版：更新：
上月宣布离巢TVB的孙慧雪，曾表示想抽更多时间陪伴照顾两名儿子，平日经常在社交网分享育儿日常，未料到近日传来坏消息，大仔Riley高烧足足一星期，入院证实患腺病毒令人担心。
近日不少幼童患病，医院床位紧绌，孙慧雪大仔18号开始感到不适：“本来参加紧童军活动，佢突然有少少面青口唇白，然后同我讲佢肚痛无胃口仲想呕，因为有少少感冒症状+肚痛，2种症状以上，所以医生即刻判断出佢系病毒感染，不过当时未知系边一种病毒，当晚佢就开始发烧啦，到咗第三日佢突然发冷高烧唔退，我哋就即刻送咗佢去医院，医生一见到佢，就判断出佢系腺病毒，要即刻安排入院，化染嘅结果亦显示佢真系中咗腺病毒。”
阿雪犹有余悸提醒家长：“呢只病毒传染性极高，酒精杀唔死，如果中咗，病期亦都好长，亦会反复感染！入院𠮶晚佢烧到40.4度，真系好彩我哋有送佢入医院，医生安排佢吊盐水，打点滴，入面有抗生素，仲定时俾退烧药佢，今日已经系住院嘅第四日啦！精神好咗好多，但系都会突然又烧返！所以仲未可以出院！如果小朋友发烧几日都未好，家长们真系要留神呀！”