朱咪咪澳门开骚似talk show　认老但继续唱：我退休去边度揾钱？

朱咪咪日前喺澳门开骚“《过大海》系列之朱咪咪 ME TIME演唱会”，朱咪咪先以《飞跃舞台》演唱会揭开序幕，期间有观众大叫“好靓”，咪咪姐即时表示：“我好靓？我知！今晚我预备咗广东歌同国语歌唱俾大家听，不过之前系星加坡俾记者误会我要退休，唱咗咁耐歌，我退休去边度揾钱？我已经因为辛苦要挨更扺夜唔拍剧，开演会就几好同舒服吖，当大家自己人咁倾吓计，大家有问题可以随时问我，除咗银行户口外，既然咁耐冇嚟澳门，下次又唔知几时先再同大家见面，呢首歌我谂到实啱您哋听！”有歌迷叫上一支玫瑰花，咪咪姐笑问：“乜而家环境咁恶劣咩？送花乜唔系送一扎？送一支，咁呢支花插边好呢？”

完骚后，咪咪姐接受访问时表示：“我现在已不是十八岁卜卜脆，是骨头卜卜脆，所以要减些工作，不过我每个演唱会的流程和对白，也是由我自己负责撰写和创作的，因为站在舞台上只有我最熟悉观众，我知道他们想要什么，如今晚有些环节是很随意的，才能和观众有所沟通，而他们的反应便会提供给我动力。”